ladino  

 
Judeo espanyol
Contador:

Inicio >> La Autoridad Nasionala del Ladino i su Kultura >> AKTIVIDADES DE LA AUTORIDAD
 
 
AKTIVIDADES DE LA AUTORIDAD
 
ENSENYANSA I AKTIVIDADES AKADEMIKAS 
 
Ensenyansa del Ladino i de su Kultura .en las universidades
En las 5 universidades de Israel (la Universidad Ebrea de Yerushslayim, la Universidad Ben Gurion en Beer Sheva, la Universidad Bar Ilan en Ramat Gan i las universidades de Tel Aviv i Haifa) ay kursos de nivel akademiko sovre el ladino i su kultura.  La ANL apoya estos estudios kon alokasiones ke kuvren una parte del kosto de los kursos i tambien en dando stipendias a estudiantes i doktorantes, en kolaborasion kon la Federasion Sefaradi de Israel, afin de ayudar a la formasion de una djoven jenerasion de investigadores ke puedran asigurar el futuro i la kontinuidad del ladino i de su kultura.
 
 
Investigasion.
Las 5 universidades israelis ke tienen kursos sovre el ladino i su kultura organizan tambien konferensias i kongresos nasionales i internasionales, kon la partisipasion de los mijores investigadores ke lavoran en este kampo. En estas universidades son investigados los diversos aspektos de la kultura djudeo-espanyola kon el ayudo de dos sentros akademikos ke fueron kreados ultimamente; El Sentro Naime i Yeoshua Salti, ke fue kreado serka la Universidad Bar Ilan, i el Sentro Moshe David Gaon, serka la Universidad Ben Gurion, en el Negev.  Estos sentros son aktivos tambien en la publikasion de livros ansi ke en la organizasion de kongresos i de aktividades kulturales al seno del publiko.
 
 
Kurso de la ANL para aktivistas
La ANL organiza desde 11 anyos un kurso anual para aktivistas i koordinadores de sirkolos de kultura djudeo-espanyola. En Agosto 2008 se avrio el onzen de estos kursos kon la partisipasion de 25 personas. Los ke partisipan a los kursos, entre los kualos ay lisensiados de universidades, patrones de profesiones libres, profesores de eskola i mas, fondan despues, en los lugares onde biven, sirkolos de kultura djudeo-espanyola, ayudando ansi a la difuzion de esta kultura.
(תמונה: פתיחת המחזור הראשון של הקורס)
 
Foro de los veteranos de los kursos de la ANL
La ANL apoyo la kreasion de un foro de veteranos de entre los partisipantes de este kurso ke dezean kontinuar a partisipar en enkontros sovre la kultura djudeo-espanyola, mimo despues ke terminaron el kurso.  En este foro las konferensias de los profesores, investigadores i ekspertos son kombinadas kon konversasiones, avlas i aktividades diversas, aprontadas i prezentadas en ladino por los estudiantes eyos mizmos

+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora