ladino  

 
Judeo espanyol
Contador:

Inicio >> Kantadores en Ladino >> A-D >> Alhambra
 

Alhambra
(U.S.A.)

El Grupo Alhambra fue fondado en el 1981 por la Doktora Isabelle Ganz, para transkrivir, emrejistrar i interpretar el grande trezoro de la múzika sefaradía, ke fue prezervada por los desendientes de los djudiós de Espanya. El Grupo enrejistró los kantes de los kantadores nativos (antes de todo en la "Sephardic Home for the Aged in Brooklyn" La Kaza Sefaradía de Ansianos en Brooklyn), lavoró kon material transkripto por etnomuzikologos, i después izo aranjamientos por performansia en instrumentos adaptos a la kultura folk de los paízes de orijín.
El Grupo tuvo aparisiones en Espanya, Gran Britania, Lituania, Colombia, Istanbul, Quebec; en el Carnegie Recital Hall en el "Guitarstrean '85 Festival"; en el "St. Paul's Ordway Theatre, kon la "New York City Symphony"; i dio  munchos konsertos para el "World Music Institute". Otros konsertos inkluyeron la Universidad de Minnesota, la "Rice University" de Houston, el "Vineyard Theatre en New York, i munchas otras Universitás, festivales de folklor i sentros komunitarios en el paíz.
El Grupo Alhambra fue finalista en el "Concert Artists Guild Competition" en el 1986, i un anyo antes ganó el primer premio,  el "New York Telephone Award" por sus ekselensia en la "Jewish Performing Arts" (la Performansia de las Artes djudías).
El Grupo Alhambra publikó la kaseta "The Art of Judeo-Spanish Songs" i el CD "The Joy of Judeo-Spanish Songs".
Isabelle Ganz, mezzo soprano, es la boz gía i tanye tres instrumentos típikos. Los otos miembros del grupo son George Mgrdichian, Rosamund Morley, Glenn Velez i Francis Schwartz.
En sus kasetas eyos no dan solamente los títolos de las kantigas ke kantan, ma dan i unas kuantas palavras de eksplikasión de los sujetos de las kantigas mizmas, i avlan de los periodos en los kualos eyas fueron kompozadas.   

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע