ladino  

 
Judeo espanyol
Contador:

Inicio >> Kantadores en Ladino >> A-D >> Dina Rot
 

Dina Rot
(Mendoza, Argentina)


Dina Rot nasió en Mendoza, Argentina. Pasó su chikez i mansevés en Santiago de Chile. Ayí izo estudios de kanto i los kontinuó en Buenos Aires. Dezde muy djoven edad  sovresalió kon un repertorio klásiko, peró anyos mas tadre deskuvrió la kansión popular i el romansero espanyol, ke la yevó a las antikas romansas anónimas del kansionero sefaradí, a las kuales se dedikó.
Dina Rot se trokó en una figura sovresaliente en el panorama muzikal argentino i latinoamerikano: sus diskos fueron editados en munchos paízes, i sus prezentasiones en Amérika i Evropa tuvieron una grande reperkusión de públiko i krítika.
Después del golpe militar de 1976 i apenas  “fue defendida en un kanal ofisial de televisión porké kantó un poema de Juan Gelman", la artista deja la Argentina para morar kon su marido i sus ijos en Madrid.
Abandonó el kanto, i dezde entonses la musikoterapía, el lavoro kon la boz i la ekspresión, van a ser su echo en Espanya.
Al empesijo de los anyos ’70, la kantante izo un lavoro enteramente dedikado a estos kantes yamados “Canciones populares- Romancero Anónimo Sefaradí” ke izo tornar popular esta múzika adientro i afuera del ambiente komunitario i, muncho después, en 1996 tornando a kantar después de tantos anyos, izo un otro disko, komo un modo de kontar la aktualitá de los exilios, “Una manu tumó l’otra”, aziendo la múzika i kantando poemas de Juan Gelman i Clarisse Nicoidsky, poetas kontemporáneos ke también kultivan la lengua sefaradí.
En marso de 1997 Dina Rot volvió a aktuar después de 21 anyos de asensia, prezentando en Madrid su muevo lavoto, “Una manu tumó l’otra”.
También, en el anyo 2000 gravó el disko “Buena Semana” kon 15 kantes del repertorio popular sefaradí, kansiones arrekojidas en Salonik, Turkía, Gresia, Sarajevo, Maroko i Yerushaláyim, ke son pokas piezas de un grande mosaiko ke es el repertorio djudeo-espanyol.
De su investigasión sovre los sonidos sale en 2006 su livro “Vivir la voz” ande mos konta su vida i mos ensenya sovre una téknika suya para bushkar la propia boz.
Oganyo Dina bive un poko en Madrid i un poko en Buenos Aires ambezando sovre la boz en kursos i seminarios i vijitando la famiya.
Dina Rot es la madre de la aktrís Cecilia Roth i del kantador Ariel Rot, ke vive en Espanya.

(La kantiga es "Mama yo no tengo visto, ma se puede meter otra también)

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora