ladino  

 
Judeo espanyol
Contador:

Inicio >> ARTIKOLOS >> Yehuda Hatsvi >> El Ladino i la Internet
 

El Ladino i la Internet
Yehuda Hatsvi

En muchos enkontros i konferensias, komo tambien en el Bet ha-Tefutsot, se avlo durante un dia entero sovre "El ladino en la internet".

Agora lo ke vos vo avlar oy sera una fiskita de lo ke
se avlo en talas konferensias. Aun kon esto espero ke vos va enteresar.

Mas o menos el mundo supo sovre la internet en los anoys de las 60, aun ke era una alat solamente
en las manos del ministerios de la Defensa de los Estados Unidos.

En el anyo 1969 esta teknolojia ya fue uzada por
faktores akademikos, en 1987 por faktores de grandes negosyos. Es en 1994 ke la internet vino
a ser konosida al publiko en jeneral, i ansi kada uno
es permetido de emplearlo.

Mi madre me diziya ke las kozas mas importantes en la vida son debaldes. Empesa del aver ke respiramos asta el sol ke mos da luz i alegria, la
luna i las estreas, toda la natura.

Uzar la internet es debaldes tambien, i podemos gozar de la enorme informasion ke esta guadrada en la internet, de las varias posibilidades de komunikasion komo mandar letras a muestros amigos, ver filmos en el Youtube, azer moabet kon

amigos al otro lado del mundo, meter muestra fotos en Facebook, o deshar kurtos mesajes en Tweeter
(ke es Tsiuts, trino), i mas i mas.


En kurto, la internet es una RED globala de komputadores
(mirshetet, en ebreo)
ke adjunta muchas REDES de komputadores, i aze kontaktos kon miliones de komputadoras en el mundo entero.

En los mas de los paizes, es debaldes komo ya lo dishimos, i sin limitasiones. Ma ay paizes ke tienes los medios, i los uzan para limitar al publiko de uzar la internet liberalmente. Por egzempio en Turkiya no se puede ver el Youtube.

Jeneralmente, oy kada uno puede fraguar su sitio en la internet, i en kada nada vemos las letras www
ke son anreviasion de World Wide Web. La "web"
es la RED ke vos avli antes ke en realidad yo la yamava "tiralania" o komo mas korrekto: TELArania.

En la revista "Aki Yerushalayim" mos dan siempre una lista de los prinsipales sitios de Internet sovre la estoria, lengua i kultura de los sefaradis.

Tenemos el sitio de la Autoridad Nasional del Ladino ke es:  www.ladinoautoridad.com  
Si entrash aya vash a tener toda la istoria de la Rashut desde la ley ke fue lejislada en la Kenesset en 1996, i todas las aktividades de muestra autoridad del ladino.

Ay el sitio de una publikasion muy interesante en ladino i en espanyol ke se yama Erensia Sefaradi,
Editada por alberto de Vidas (miembro de LK tambien).

Ay un sitio de los marranos "Bene Anusim" ke es interesante, ma personalmente tengo dizilusion porke uzan las palavras "shul" "kosher" "parshas
ashavua", ets.  Ma no tienen kulpa, porke lo mas son rabinos de Satmer of Habad ke se okupan por eyos.


Tenesh el sitio de un periodiko ke sale a luz en Beljika, editado por Moise Rahmani (miembro de LK) en ingles, franses, Kasteyano i ladino. Artikolos muy interesantes.

A la punta de la lista ay el sitio ke es totalmente Izraeli, ladino mesklado un pokito kon ebreo, dirijido

Por Dov Liphshitz, i es interesante de meldar las letra de los miembros i kualo son los kampos de sus interes.
El ladino se eskrive en este sitio en letras ebreas.

De una parte es muy ermozo, porke muestros padres sefaradim siempre eskrivieron ladino en letras ebreas o en letras de RASHI (o en solitreo),
ma oy en dia, kuando no todos savemos la lingua Judeo-espanyols, a vezes es defisil de meldar las palavras en una forma korrekta.

Si bushkash en la internet el nombre "Ladinokomunita", lo vash a topar por seguro. Ladinokomunita es el sirkolo mas grande de amigos de todo el mundo ke se eskriven kada dia en muestra lingua.

En estos dias se esta fraguando, kon la inisiativa de Eyal Peretz, de ARKADAS, un sitio muevo i interesante ke dezea ser, kon el tiempo, un sitio ladino ancho i amplio. Inshalla.

Aki esta: http://www.ladino.org.il 

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora