ladino  

 
Judeo espanyol
Contador:

Inicio >> Kuentos del "Meam Loez" >> El emperador malvado
 

El emperador malvado
(Kuento de Hullí)
 
Kontan de viejo en un emperador ke era muy malo i estavan los djidiós muy angustiados de él, a tanto, ke kada día rogavan por su muerte para eskapar de sus sentensias. Kon tiempo, se murió i enreynó su ijo en su lugar, i salió ke  era mas rashá (malo) ke su padre, i  muy enemigo de djidiós.
Un día estava asentado kon un djidió ke entrava i salía en su palasio.
Le preguntó el rey: "Kero ke me digas ke tienen los djidiós en su korasón por mí.
Disho el djidió: "Ke bivas munchos anyos en tu reynado."
Se maraviyó el rey, i disho: "Pos yo les ize munchos males mas ke mi padre, komo puede ser ke eyos arrogen por mi vida?"
Le respondió el djidió, diziendo: "Savrás ke en vida de tu padre teníamos esta esperansa, a dezir ke muriendo él, eskaparemos de males, ke tú serás bueno kon nozotros. Ma siendo en nuestra ventura salistes tú mas fuerte ke él, por esto rogamos por tu vida, ke ya se ve ke muestra maarahá (suerte) lo kavza  ke estamos abatidos. Por esto rogamos ke no mos trayga el Dio en poder de otro rey, ke sierto será mas fuerte de ti."

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora