ladino  

 
Judeo espanyol
Contador:

Inicio >> Kuentos del "Meam Loez" >> El peaje
 

El peaje
(Kuento de Hullí)

El león i resto de alimanyas (animales) ivan por kamino, i avía entre eyos una hayá (animal) ke se yama shual, ke es la rapoza. Pasaron por un lugar ke el hamor (azno) era komerchero de ayí, ke tomava komercho (taksa) de todo lo ke pasava por su t(e)hum (lugar).
Kuando los vido venir, se aserkó ande eyos, diziéndoles: "Dame komercho."
Le disho el shual: "Ke modo de ánimo tienes de demandarmos komercho, saviendo ke el león, ke es el rey de las hayot (animales), está kon nos?"
I ansí se aravió el león i le fue ensima, i lo arevató al hamor; i después ke lo mató, se lo dio a el shual ke se lo apareje para komerlo.
Tomó el shual a el hamor i lo fue kortando kada miembro aparte. Vido el korasón, lo tomó i se lo komió.
Kuando vino el león a komer, le preguntó a el shual: "Onde está el korasón de este hamor?"
Le respondió (el shual), diziendo:
"A, mi sinyor! Si tuviera korasón, no akometía a demandar komercho del rey."


Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora