ladino  

 
Judeo espanyol
Contador:

Inicio >> Kantadores en Ladino >> E-F >> Esti Kenan Ofri
 

Esti Kenan Ofri
Kantadora i kompozitora
(Italia – Israel)

Esti Kenan Ofri nasió en Italia i bive en Israel. Estudió bayle  i múzika en Israel, koreografía en New York i múzika áraba kon el kompozitor Salim In-Nur , i kompletó su graduasión en múzika áraba en la Akademia a nombre de Rubín en Yerushaláyim. Eya se siente mas intimamente atada a las múzikas tradisionales de los djudiós sefaradís.
Por munchos anyos eya fue koreografa i tuvo reprezentasiones komo bayladera. Su boz i las tradisiones ke eya reprezenta inspiraron kompozitores komo Luciano Berio, André Hajdu, Betty Olivero, Noam Sherif, Oded Zehavi, Peres Eliyahu, Neta Aloni, Mark Kopitman, Tzipi Fleisher i Isreal Borochov, ke eskrivieron múzika i izieron aranjamientos para segir su interpretasión vokal partikular.
Eya aparesió por munchos anyos kon el" Duo Kol-Tof" i kon el "Trio Kol Oud Tof", kon Slava Ganelin, kon el "Este i Oeste Amsable", i kon la Arabo-Andaluza Orkestra de Tanjer. Mas tadre se dedikó a la kompozisión. Sus lavoros vinían performados por el Ansamble  "Ras Deshen", el Grupo "Beta Dance", el Amsable "Sirenot".  La piesa "Women in longing" para 4 kantadores tradisionales, ut, chello i perkusión le fue komisionada para la aviertura del Kongreso Internasional de Estudios Djudiós.
En el 1988 Luciano Berio eskrivió para eya un rolo en la ovra "Ofanim", ke eya interpretó en todo el mundo. Además eya interpretó el rolo prinsipal en la opera "El viaje" de Fabio Vacchi en el Teatro de Opera de Bologna. Esti enrejistró el CD "Hugat Azmán" (El kuadrante del tiempo), ande interpreta kantes en ladino kon aranjamiento de Betty Olivero i Oded Zehavi.
En un evenimiento sentral en Toledo durante la komemorasión de los 500 anyos de la ekspulsión de los djudiós de Espanya, Esti Kenan Ofri aparesió al lado de Placido Domingo, en la opera de Noam Sherif "Pasión Espanyola". Además eya kompozó la koreografía i la múzika, bazadas sovre un kante de kuna sefaradí, para el grupo de bayle del Imbal. Del 1994 está lavorando en el "Duo Kol-Tof" kon Oren Farid en el programa bazado sovre el kanto de los djudiós sefaradís. El Duo aparesió en los festejamientos para la UNESCO en París i en otros festivales.  Aparese kon el Duo Boz -Tastos, kon Slava Ganelin, kon el kual publikó el CD "Biktzé Hachalom" (A la punta del esuenyo). Ultimamente lavoró kon el kompozitor Perez Eliahu i enrejistró
su kreasión en el CD "Beruah Hamizrah" (En el espírito del Oriente).

Matilda Koén-Sarano                                    

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע