ladino  

 
Judeo espanyol
Contador:

Inicio >> Kantadores en Ladino >> E-F >> Etty Ben-Zakén
 

Etty Ben-Zakén
Kantadera, eskritora i artista interdishiplinaria
(Yerushaláyim)

Etty Ben-Zaken, ke proviene de una famiya sefaradía, ande los kantes sefaradís fueron tranzmetidos de siglo en siglo, estudió kanto en la Akademia de Múzika a nombre de Rubín en Yerushaláyim i teatro en la Eskola del Teatro Vizual. Publikó dos livros, i está aziendo el doktorado en la Universidad de Hayfa, ande tiene un kurso  en la fakultad de teatro de esta Universidad. En sus konferensias Etty avla de los kantes en djudeo-espanyol, sus esfondo istóriko, komo se konservaron, sus varios djéneros, la lingua spesial en la kuala son kantados. Además eya kanta kantes de las komunitás sefaradías de Yerushaláyim, los Balkanes i el Maroko, akompanyada por el gitarrista Oded Shoub. Etty avló en una sería de konferensias sovre la boz, komo enstrumento de varias kulturas étnikas, akompanyándose kon CDs i DVds i un resital vokal spesial (2008-2009). Avló de la múzika étnika en Israel i al estranjero i en ke manera se konservó, akompanyándose kon CDs, DVD i su mizma boz. La sería se konkluyó kon un konserto yamado "Milizina  de amor", ande Etty kanta i konta kuentos populares, akompanyada por Oded Shoub (2007-2008).  En la tresera sería de konferensias eya avla de kuentos populares, feyas, mitos, el primer ombre i la primera mujer, santos i guerkos. Estas tres serías fueron reprezentadas por la primera vez  en el muzeo Tikotín de Hayfa. Sus 5 reprezentasiones de"Music-Theatre", ke eya kreó, desinó i interpretó, partisiparon a varios festivales en  Israel, en  Evropa i en los Estados Unidos. Estos espektaklos fueron kreados por eya en kolaborasión kon su marido, el kompozitor Eitan Steinberg, la múzika del kual eya interpreta frekuentemente. Las interpretasiones de kantes de Etty Ben-Zaken fueron rejistradas kon la etiketa del "New Albion Records", en la Radio i la Televizión de Israel, en  la Radio almana (WDR) i en filmos dokumentarios.
Su CD  del 1999 "La novia destrensa el pelo. Se dezmaya el cavayero" ekluye 17 kantes, ke son por la mas parte romansas, una parte de las kualas provienen del Maroko Espanyol. En estos días Etty Ben-Zaken aparese en un espektalo de kantes i kuentos kon el mizmo titolo, akompanyada por un gitarrista. En los mezes de enero i de fevrero eya aparesió en su espektaklo en los "Días de leche i miel" en el Yam Amelah delantre de un públiko de 850 personas kada vez, kon un  muy grande sukseso.

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע