ladino  

 
Judeo espanyol
Contador:

Inicio >> Kantadores en Ladino >> E-F >> Eva Volitzer
 

Eva Volitzer
Aktrís i kantadera
(Bulgaría, 1949)

Eva Volitzer nasió en Bulgaría en el 1949. Es una eminente aktris bulgara ke djugó mas de 50 rolos en numerozos teatros de Bulgaría, komo el "Russe Dame Theatre", el "Sofia Itinerant Theatre", el "Salza i Smyah Theatre", i mas, komo en teatros de Tel-Aviv, Viena i Riga. Interpretó eroínas klásikas de Chekhov, Shakespeare, Ostrovski i mas. En esta sezón eya djugó kon grande sukseso en la piesa "My old lady" del dramaturgo amerikano Horovitz en el "Theatre of Satire" de Sofia. Aparesió en filmos, por la mas parte en Bulgaría. Eva Volitzer tiene el máster en djogo de la Akademia Nasional de Arte de teatro i filmo "Krustyo Sarafov" , i es profesor asosiado en djogo teatral en la "New Bulgarian University" en Sofia.
Eya produsió munchos espektaklos kon studios dramátikos de djóvenes i estudiantes de Universitás.  Algunas de estas produksiones fueron prezentadas en Suisa, Fransia, Austria, ets. En el 2002-2003 Eva Volitzer fue una Fulbright estudiante en New York, ande djugó rolos en la "Pace University" de New York.
En el 1996 eya publikó un album kon 22 antikos kantes en ladino. El disko fue publikado por la English Musical Company (ARS MUSIK), i fue difundido en todo el mundo. En este CD se topan kantigas klásikas i konosidas del mundo djudeo-espanyol, endjuntos a otras manko konosidas, karakterístikas a los sefaradís de Bulgaría. La lavor de Eva Volitzer para salvarlas del olvido es un exemplo de devuar kumplido, ke merese de ser segido. Su boz de kantadora ke es i aktrís dramátika se meskla a su talento de ekspresión de la komisidad de siertas kantigas, kreando un efekto inuzual.
Eva Volitzer es la fondadora i direktora del "Indipendent "Gallery" Theatre" en Bulgaría, i es la direktora artístika del teatro djudió "Keshet" en Sofia. Eya resivió numerozos premios i rekonosimientos nasionales.

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע