ladino  

 
Judeo espanyol
Contador:

Inicio >> Kantadores en Ladino >> G-I >> Isaac Levy
 

Isaac Levy
Baritón – Kompozitor de múzika i Investigador
(Manisa, Turkía 1919 – Yerushaláyim 1977)

Isaac Levy nasió en Manisa al lado de Izmir, Turkía en el 1919. A los 3 anyos izo su aliyá a Israel kon sus djenitores. Estudió múzika i dezvelopamiento de la boz en konservatorios de Yerushaláyim i de Tel-Aviv. Entre sus maestros podemos mensionar al famozo maestro i kantante de opera Herman Yadlover ke era kolega de Caruso en el Metropolitan de New York.
Isaac Levy kompozó múzika para versos de la Biblia i para imnos eskritos por poetas  de la Edad de Oro en Espanya, komo Yehudá Halevy, Ibn Gabirol, Ibn Ezra i otros.
El kompozó además múzika para kantigas lírikas i kantigas de kriaturas.
Del 1955 fue direktor de la Seksión de Djudeo-Espanyol de "Kol Israel". Al prinsipio del 1963 fue nominado direktor de la Seksión de Múzika Etnika de la Radio Israeli.
El arrekojió, kompiló i publikó 10 volumes de la Antolojía de hazanut sefaradí, ke inkluyen imnos i kantes sakros de todas las komunitás djudeo-espanyolas de la diáspora, komo Amsterdam, Izmir, Tanjer i mas,  i 4 volumes de romansas i kantigas populares de los djudiós sefaradís. El material para sus livros Isaac Levy lo arrekojió de las bokas de personas aedadas ladino-avlantes, ke konosía en Yerushaláyim.
Ansí ke él trokó la tradisión muzikal oral de los sefaradís en múzika en todo i por todo. La emportansa de su ovra es imensa.
En el kuadro de su karga en "Kol Israel" él enkorajó i enrejistró kantantes profesionales a kantar kantes en ladino. El mizmo kantó kantes, romansas i kantigas kon su boz ke no tiene par asta oy.
Isaac Levy murió en Yerushaláyim en el 1977.


(La romansa ke metí a la fin de mi programa es "Noches noches", kantada por Isaac Levy).

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע