ladino  

 
Judeo espanyol
Contador:

Inicio >> Kantadores en Ladino >> J >> José Manuel Fraile Gil
 

José Manuel Fraile Gil
Kantador i envestigador 
(Madrid, Espanya)
de "Los Muestros"

José Manuel Fraile Gil nasió en Madrid (Espanya). Después de una kurta faza dedikada al kampo de la Arkeolojía, konsakró su aktividad al estudio de la Etnografía en jeneral, i muy spesialmente a los kampos de la Etnoliteratura i de la Múzika tradisional. Izo varios kursos i kampanyas de enkuestas i formasión kon el Seminario Menéndez Pidal de la Universidad Complutense de Madrid, debasho la supervizión de Diego Catalán Menéndez Pidal. Es kolaborador abitual del Instituto de la Identidades salmantino, del Centro de Documentación Etnográfico de Castilla i  León, del Departamento de Literatura de la Universidad de Cádiz i de otros organizmos emportantes en el estudio de la tradisión oral en todos sus aspektos.
Djuntos kon la profesora Shoshana Weich-Shahak de la Universidad Ebrea de Yerushaláyim, forma parte del grupo de investigasión etnomuzikolójika djudeo-espanyola "Arboleras". El rezulatdo de esta kolaborasión son sinko CDs dedikados a la rekuperasión del patrimonio muzikal de los sefaradís provenientes del antiko Imperio Otomano i del Nord del Maroko. El publikó además un estudio sovre la vistimienta tradisional de los djudiós sefaradís en el Nord del Maroko.
En el kampo del Romansero publikó entre otros el "Romancero Tradicional de la Provincia de Madrid" (Madrid, 1991) i el "Romancero Tradicional de Cantabria" (Santander, 2010).
Tomando komo baza dokumental su archivo sonoro aprontó la "Primera Antología Sonora del Romancero Tradicional Panhispánico" (Salamanca, 1992), i una sigunda "Antología", ke aparesió resientemente (Torrelavega, 2010). En las dos antolojías son inkluzos materiales arrekojidos en las áreas, ande bivió asta poko antes el "Romancero" tradisional: Hispanoamérica, Portugal i Brazil, Espanya i sus diferentes áreas linguístikas, ansí komo los diferentes asentamientos onde bivieron los djudiós sefaradís. Entre otras mensiones, José Manuel Fraile Gil resivió en el 2003 el premio Nasional del Folklor "Agapito Marazuela". 

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע