ladino  

 
Judeo espanyol
Contador:

Inicio >> La Autoridad Nasionala del Ladino i su Kultura >> KONGRESOS, KURSOS I DIAS DE ESTUDIO
 
 
KONGRESOS, KURSOS I DIAS DE ESTUDIO
 
Kongreso Internasional, en Israel. 
Un kongreso internasional, primero en su djenero, ke tuvo lugar en Yerushalayim en 1999, sovre la inisiativa de la ANL, fue dedikado al tema de la grafia i ortografia del ladino. En este kongreso fue tratado de los diversos sistemas uzados oy dia para eskrivir en ladino. Asta los anyos 20 del siglo pasado, el ladino era eskrito kon letras rashi. Desde entonses se empeso a eskrivirlo kon letras latinas, ma no sigun un metodo jeneral, akseptado por todos, sino ke kon una seria de metodos bazados sovre el fransez, el turko, el espanyol o el inglez. Aun ke en los debates ke tuvieron lugar a este sujeto no fueron adoptadas rezolusiones formales, la mayoria de los partisipantes del kongreso apoyaron el metodo konosido komo „Grafia de Aki Yerushalayim”, al nombre de la revista publikada en Israel i redaktada por el vise-prezidente de la ANL, Moshe Shaul.
(תמונה: פתיחת הכנס על הכתיב)
 
Dias de estudio
La ANL organiza eya mizma o en kolaborasion kon otros faktores, fines de semana  i dias de estudio sovre temas sentrales de la kultura djudeo-espanyola. En el anyo 2008, por enshemplo,  fue organizado, en  la Sinemateka de Tel Aviv, en kolaborasion kon el Sentro Moshe D. Gaon, un dia de estudio sovre “El ladino i el sinema”, i en kolaborasion kon el Instituto Ben Zvi, la Biblioteka Nasioanala i Universitaria, el Fondo Moshe D. Gaon  i el Fondo Naime i Yeoshua Salti, otro dia de estudio sovre “La prensa en ladino”. 
 
Sirkolos de Kultura  Djudeo-espanyola
Komo konsekuensa de los kursos para la formasion de aktivistas ke son organizados kada anyo por la ANL, fueron fondados en diversas partes del paiz sirkolos de kultura djudeo-espanyola ke organizan konferensias i debates, tadradas folklorikas, kursos para el estudio del ladino etc.  Aktualmente ay 9 sirkolos aktivos, desde Haifa en el norte i asta Ashkelon en el sud, a los kualos partisipan sienes de amantes del ladino, ke bushkan a anchear sus konosensias en el kampo de la lengua i su kultura, oyer kuentos i konferensias, i kantar kantes en ladino.
 
Una inisiativa ke tuvo grande reushidad es la de los “Dias de Leche i Miel” organizados anualmente desde mas de 5 anyos por el Sirkolo de Kultura Djudeo-espanyola de Haifa i el Norte.   Son estos 4 dias, kon la partisipasion de sienes de personas, ke resiven en la atmosfera relaksada de uno de los oteles de Eylat, de Tiveria o del Mar Muerto, un riko programa de konferensias i debates djuntos kon kantes i kuentos del folklor djudeo-espanyol.
 
Kolaborasion kon el Instituto Cervantes, Tel Aviv. 
Este instituto fue kreado por el governo de Espanya para la ensenyansa i difuzion de la lengua espanyola i de su kultura en el mundo; ma en Israel el Instituto ovra tambien para el mantenimiento i la promosion del ladino. En el kuadro de un akorגo de kolaborasion entre la ANL i el IC en Tel Aviv, kada anyo es dada una seria de  konferensias en ladino ke sus temas son fiksados por la ANL, ke partisipa tambien en sus finansamiento. La seria tiene 20 konferensias sovre temas diversos ke tokan a la kultura del djudaizmo sefaradi, al ladino i a las rayizes espanyolas de esta lengua i de su kultura.  Este proyekto esta teniendo una grande reushidad i munchos de sus partisipantes tornan a eskrivirsen de muevo kada anyo.
 
 
Kurso sovre el Meam Loez
Un kurso sovre el “Meam Loez”, el primero de su djenero sovre esta ovra maestra de la literatura djudeo-espanyola, fue organizado por la ANL en el Instituto Ben Zvi en Yerushalayim.
 
Kurso para redaktores de radio
La ANL organizo, djuntos la Autoridad de Emisiones, un kurso para la formasion de redaktores de programas de radio en ladino. En este kurso ke turo 4 mezes, los partisipantes embezaron a aprontar i prezentar boletines de informasiones para la Emision Djudeo-espanyola de Kol Israel.
 
Kolaborasion kon el Sentro Yaakov Herzog 
La ANL  ayudo a finansar la seria de konferensias  “Ventana al Mediterraneo – Sigiendo las trasas de los ekspulsados de Espanya, desde los Montes Atlas i asta la kosta de Saloniko”.
 
El Muzeo de la Diaspora – Bet HaTfutsot
La Autoridad kolaboro kon este muzeo en la preparasion del programa de la seria de konferensias “Del Oriente asta el Oksidente – En las Trasas de los Ekspulsados de Espanya)”.

+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע