ladino  

 
Judeo espanyol
Contador:

Inicio >> La Autoridad Nasionala del Ladino i su Kultura >> KONMEMORASION DE LA SHOA
 
 
KONMEMORASION DE LA SHOA
 
La Shoa i los sefaradis
 
Un fakto relativamente poko konosido en el paiz es ke serka de 80% de los sefaradis de Evropa fueron eksterminados en la Shoa. La ANL, en kolaborasion kon otros faktores mas, apoya proyektos ke tienen por buto de traer a la konosensia del publiko la istoria de las viktimas de la Shoa de entre las komunidades de avla djudeo-espanyola ansi ke las terribles konsekuensas de la Shoa para el ladino i su kultura.   La ANL ayudo, entre otras, a la produksion del filmo “Siniza i Fumo”, sovre la Shoa de los djudios de Saloniko, ansi ke a la produksion de un filmo sovre los djudios de Rodes. En desparte de esto fue dado apoyo finansiario a un kurso en la Universidad Ebrea de Yerushalayim sovre “La Shoa del Djudaizmo Sefaradi” i en el anyo 2008 fue organizado un dia de estudios dedikado a la Shoa de las komunidades sefaradis en Evropa..
 
Laja en Ladino en el Memorial a la Shoa en Auschwitz.
 
En el kampo de eksterminasion de Auschwitz fue pozada, el 24.3.2003, una laja eskrita en ladino a la memoria de los sefaradis ke fueron eksterminados en la Shoa. Asta entonses no avia ayi ninguna inskripsion en ladino a la memoria de las milarias de djudios ke avlavan esta lengua i ke fueron matados ayi. La laja fue pozada despues de una kampanya internasionala ke fue echa sovre la inisiativa de la asosiasion JEAA (Judeo-espagnol a Auschwitz) de Paris, kon el apoyo de la ANL i de numerozos otros faktores.
)תמונה של המצבה במחנה אושוויץ)
 
Enrejistramiento de Testimonios de Sovrebivientes de la Shoa. 
 
El Muzeo de Yad veShem i la ANL empesaron en una operasion para el enrejistramiento de testimonios en ladino de boka de sovrebivientes de la Shoa. Esto es echo siendo ke sus istoria no fue kontada ainda, sigun se deve, i frente a la urjensia del menester de enrejistrar el material istoriko ke esta ainda en la memoria de la jenerasion de los reskapados de la Shoa.

+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע