ladino  

 
Judeo espanyol
Contador:

Inicio >> La Autoridad Nasionala del Ladino i su Kultura >> KONSERVASION I SALVAMIENTO DE LA KREASION LITERARIA EN LADINO
 
 
KONSERVASION I SALVAMIENTO 
DE LA KREASION LITERARIA EN LADINO.
 
Proyekto de Bibliografia de los Livros en Ladino.  
El Proyekto de Bibliografia Ebrea fue fondado por la Biblioteka Nasionala i Universitaria, serka la Universidad Ebrea de Yerushalayim, en kolaborasion kon el Ministerio de Edukasion i Kultura i la Adjensia Djudia, afin de tener una bibliografia sientifika de la kreasion literaria djudia, en todas sus lenguas. La ANL empeso a apoyar este proyekto en 1998, ayudando a la preparasion de una bibliografia de los livros en ladino ke se topan en la Biblioteka Nasionala i Universitaria ansi ke en otras bibliotekas mas. Asta agora ya fueron notados unos 3500 livros.
 
 
Mikrofilmamiento de la Koleksion de Jurnales en Ladino del Instituto Ben Zvi. 
En la biblioteka de este instituto se topa una de las mas grandes koleksiones del mundo de jurnales en ladino. Se trata de un fondo de dokumentasion de grande importansia, kon una muchidumbre de materiales istorikos i literarios, la mayoria de los kualos no fue ainda investigada. La ANL ayudo al instituto Ben Zvi a mikrofilmar esta koleksion ke inkluye 153 jurnales eskritos en letras rashi i otros 20 en letras latinas, i tambien a merkar un ekipamiento moderno ke permete de meldar los mikrofilmos de esta koleksion i imprimir los ke interesan a los investigadores.
 
 
Akizision de livros i dokumentos eskritos en ladino.  
La ANL ayudo al Instituto Maale Adumim a merkar livros i manuskritos raros en ladino, ke son importantes para la investigasion de la kultura djudeo-espanyola.
 
 
 
PROMOSION I DIVULGASION DE LA KULTURA DJUDEO-ESPANYOLA
EN ISRAEL I EN EL MUNDO
 
La ANL akorda una grande importansia a las aktividades para la promosion i divulgasion del ladino en Israel i en el mundo i aze un esforso espesial para ayudarles i enkorajarlas: organiza kongresos, kolokios i dias de estudio i apoya inisiativas individualas i komunitarias tales ke festivales, tadradas de folklor, enkontros de kontaderas de kuentos  etc. ke despertan un grande intereso al seno de los amantes de la kultura djudeo-espanyola.

+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora