ladino  

 
Judeo espanyol
Contador:

Inicio >> Kuentos del "Meam Loez" >> Las piedras del kamino
 

Las piedras del kamino
(Kuento de Hullí)


Una presona barría su kampo i su kortijo, i echava las piedras en reshut  arabim (la proprietá públika) en medio del kamino. Lo topó un savio i lo ariftó.
"Ke kavaná (pensada) tienes de dezbarasar el reshut (proprietá) ke no es tuyo i echarlo en el reshut ke es tuyo?'
Por la ora le izo burla, siendo no entendió lo ke le kijo dezir. Después de días, emprovesió dita presona, atanto ke tuvo ehréah (ovligasión) de vender su kampo, i kada vez ke pasava por akel kamino iva entrompesando en akeyas piedras. Estonses entendió la haluká (divizión) i atorgó entre sí, diziendo:
"Bien me disho akel savio ke no tuve avaná (entendimiento) de kitar las piedras del kampo ke no es en mi reshut (proprietá), ke aunke era mío, ma ya veo ke agora me kedé sin él, ke ya lo vendí a otro, siendo este mundo es un galgal (una roda) ke va arrodeando, i el riko no se tenga por seguro. Lo kual el reshut arabim (la proprietá públika), ke akel kamino siempre es mío toda mi vida en kualker ora ke kero kaminar en él."


Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora