ladino  

 
Judeo espanyol
Contador:

Inicio >> Kantadores en Ladino >> K-L >> Liliana Benveniste
 

 
Liliana Benveniste
Kantadera i kompozitora
(Buenos Aires)

Liliana Benveniste nasió en Buenos Aires (Argentina), es kantadera i kompozitora. Sus abuelos i su padre nasieron en Estambol i arivaron a Argentina  serka del anyo 1927. Eya estudió kanto en el Conservatorio Nacional Carlos Lopez Buchardo, i téknika vokal kon las profesoras Lucy Saborido i Leticia Caramelli. Estudió también gitarra i bayles. Es Analista de Sistemas i profesora de Informátika.  Liliana se ambezó las primeras kantigas en ladino de su abuela paterna, Merkada, ke tanyia el pandero kada tadre i kantava kantigas en ladino.  Su abuelo Sabetay tanyia muy bien el ut, i en todas las reuniones de la famiya se kantava i se baylava múzika djudeo-espanyola i espanyola.  Liliana se dedika dezde anyos a la investigasión i difuzión de la kultura sefaradía, i a ambezarse la lingua los kostumbres i las kantigas ke apartienen a este riko patrimonio  kultural. Kompozó la múzika para varios poemas kontemporáneos eskritos en djudeo-espanyol, konvirtiéndolos en kantigas muevas, ke enrikesen el repertorio muzikal en ladino, resiviendo rekonosimientos internasionales, komo en el Festilandino del 2005, ande su kantiga "Alevántate Nisim" kon palavras de Beatriz Matzlíah arivó a la final de la kompetisión. En el CD "Ayres Buenos",  publikado por  Liliana, se topa la kantiga "Arvolés yoran por luvias"  ke su padre le kantava kuando eya era kriatura. Liliana kolaboró también a la traduksión al ladino de tangos i kansiones folklórikas argentinas. Prezentó vario espektaklos artístikos ke reflektan el patrimonio de la múzika sefaradía, rekreando kantes tradisionales, litúrjikos i muevos en djudeo-espanyol en emportantes lugares en Argentina, komo muzeos i teatros, universitás, klubes, iglesias i monasterios, i en  Los Angeles, Miami, México i Uruguay. Es miembra de la komisión direktiva del CIDICSEF en Buenos Aires, i dirije kon la Prof. Esther Cohen de Cohen el klub de djudeo-espanyol. Endjuntos a Marcelo Benveniste su marido ko-edita el sitio "e-Sefarad – Notisias del Mundo Sefardí", i el buletín elektróniko "e-Sefarad".

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע