ladino  

 
Judeo espanyol
Contador:

Inicio >> Kantadores en Ladino >> N-P >> Paco Diez
 

Paco Diez
(Valladolid, Espanya – 1961)
de Unaplauso.com

Paco Diez nasió en el 1961 en Piñel de Abajo (Valladolid) en seno a una famiya de Castilla, ande se inchó  del sentimiento i el pensamiento del ambiente rural, en el momento ke empesavan a despareser las tradisiones sekulares.
Kumplió sus estudios primarios en su kazal, i  su formasión segondaria en Valladolid, ande entró después a la Universidad, ande obtuvo la lisensiadura en Filolojía Franseza en 1985. Fue mandado por dos anyos a Brest i Lorient (Bretanya franseza) komo asistente de lingua kastilyana, renforsando ayá su konosimiento de la lingua i la sivilizasión fransezas, koza ke le permetió después de mantener ekselentes relasiones kon numerozos grupos folk, ansí komo kon Sentros de Cultura Tradisional de este paíz. Después de una larga spesializasión, él koordinó turnés para grupos nasionales i internasionales de grande prestijio. Su spesialidad profesional son los enstrumentos tradisionales, sovre los kualos avla siempre en kualker forum.
En el 1980 fondó el grupo "La Bazanca", enkluyendo en él  varias i diversas formasiones asta muestros días, i produsiendo enfluensias muzikales rikas i variadas, ke djuntos a la kontinua preokupasión por la búshkeda de muevas sonoridades i la utilizasión de enstrumentos provenientes direktamente de la tradisión muzikal kastilyana, izieron de Paco Diez kon boz, gitarra i otros enstrumentos tradisionales   una personalidad propria, renforsada por un rigorozo lavoro de envestigasión en munchas rejiones de Espanya.
Paco Diez es uno de los mayores enterpretes de la múzika djudeo-espanyola a livel nasional i internasional, de kuando publikó su disko monográfiko"Canciones Sefaradíes" en el 1983.
Los konsiertos de Paco Diez en Espanya ya superaron el miliar, i es inutil de enumerarlos. El izo turnés en Fransia, Almania, Italia, Suedia, Portugal, Gresia Slovenia, Bulgaría, Estados Unidos i Sud Amerika. Aparesió dos vezes en Israel, la última de las kualas el anyo pasado, i tuvo un grande sukseso.
Paco Diez es un konosido embasador de la Lingua i Kultura Tradisionales de Espanya, komo un interpret fiyel i orijinal del kanto en djudeo-espanyol.

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע