ladino  

 
Judeo espanyol
Contador:

Inicio >> La Autoridad Nasionala del Ladino i su Kultura >> Palavras del Prezidente de la ANL
 

יצחק נבון
Palavras del Prezidente de la ANL

 
La Autoridad Nasionala del Ladino fue kreada en baza de una ley aprobada por la Kneset en 1996, afin de asegurar una aktividad duradera i perseverante para el mantenimiento i la promosion del ladino i de su kultura.
 
Ay en el mundo numerozos faktores ke se okupan de esta tarea, entre eyas universidades, institutos de investigasion, asosiasiones, etc. Merese ser apuntado de este punto de vista ke la UNESCO, la Organizasion de la ONU para Sensia i Kultura, rekonosio al ladino komo una de las lenguas en peligto ke deven ser konservadas. 
 
La Autoridad Nasionala del Ladino, Israel, es el uniko faktor en el mundo ke ovra en este kampo,  komo organizmo ofisial del estado, en baza de una ley adoptada por el Parlamento. Desde su kreasion, en el anyo 1997, eya esta ovrando kon perseveransia para alkansar sus butos. El publiko en Israel - djovenes i aedados, relijiozos i laikos, personas ke avlan i aman el ladino ansi ke otros mas ke estan bushkando sus rayizes, partisiparon i kontinuan a partisipar en sus aktividades para mijor konoser esta lengua i su kultura. Paralelamente se nota un grande despertamiento en este kampo al seno de las komunidades sefaradis en la Diaspora tambien.
 
El fuerte intereso ke se esta notando enverso el ladino mos enkoraja a kontinuar en muestras aktividades para el mantenimiento i la promosion de los trezoros de su kultura i ayudar a la kreasion literaria orijinala i kontemporaria en ladino, kon la esperansa ke pujara mas i mas el numero de los ke keren adjuntarsen a este esforso, afin de asegurar ke esta kultura no despareska en las profundinas del ulvido.
 
V Prezidente del Estado
Prezidente de la ANL 
 

+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע