ladino  

 
Judeo espanyol
Contador:

Inicio >> Kantadores en Ladino >> R >> Roza Zaragoza
 

Roza Zaragoza
(Espanya - Catalonya)

Roza Zaragoza empesó su vida profesional en el 1984 para rekuperar, después de 5 siglos de silensio las únikas kansiones djudeo-katalanas ke existían.  Esto la yevó a Israel ande pasó un anyo entero en el 1986, a New York i a Evropa. Mas tadre empesó a lavorar sovre el tema de las tres kulturas de la península ibérika: la djudía, la kristiana i la muzulmana, ansí ke sovre kantigas spirituales de estas tres relijiones. Komo kantautora interpreta siempre las kantigas en un exersisio de rekuperasión de las raízes i la kultura mediteráneas.  Eya partisipa a numerozos festivales de múzika mediteránea, World Music i múzikas sakras en Evropa, el Oriente Medio i Magreb. Roza Zaragoza dirijió los Festivales de Múzika Místika de Barselona en el 2000 i 2001, i de Valensia en el 2001. En el 2003 Roza partisipó al Festival de los Kontadores, ke tuvo lugar akel anyo en Holón. En su primera kaseta eya interpretó  i romansas i kantigas en ladino de la tradisión oriental i oksidental, kere dizir del Imperio Otomano i del Maroko Espanyol.  Su CD inkluye kansiones de los djudiós katalanes, i es un dokumento úniko en su kampo. Salieron numerozos artikolos de alavasiones sovre sus performansias. Miki Torrents, World Music , No. 47, 2004 eskrive entre otras "… Roza Zaragoza kultiva la olvidada relijión de la amistad através de unas kansiones ke nasen de un afán de komprender i ekspresar el látido mas íntimo de la alma umana". El Daily Star de Libano del 19.12.01 eskrivió:
" Sovre un fondo de gitarra flamenka, la boz de Roza komueve profundamente  el públiko kuando kanta en espanyol i Mohamed Ayoub le da la réplika en árabo." Las múzikas de su CD "Naser i Renaser" son una banda sonora para akompanyar el nasimiento, "ande kada kansión parese komo si fuera una kriatura ke surdje del interior de la kantante" (Miki Torrents, Revista Interfolk, No. 27, 2006).

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora