ladino  

 
Judeo espanyol
Contador:

Inicio >> La Autoridad Nasionala del Ladino i su Kultura >> TADRADAS KULTURALES I FOLKLORIKAS
 
 
ADRADAS KULTURALES I FOLKLORIKAS
 
TEATRO
El teatro en ladino es una aktividad muy importante para la konservasion de la lengua. Rekonosiendo la importansia de este medio, la ANL: enkoraja i apoya la aktividad de  tres grupos de amatores ke aprontan i prezentan ovras de teatro en ladino: el grupo de la Assosiasion de Turkanos, Bat Yam; la Lodja Yosef Nyego de la Bene Berit, Tel Aviv, i el Sirkolo de Kultura Djudeo-espanyola de Holon.
Las piesas prezentadas por estos grupos atiran kada vez un numerozo publiko ke apresia la ermozura del ladino, de su literatura i de su folklor.
 
MUZIKA
Uno de los djeneros mas importantes del folklor djudeo-espanyol es siguramente el de los kantes en ladino, ke estan teniendo una gran popularidad, no solo en Israel sino ke en munchos paizes mas.  La ANL apoya la aktividad en este kampo en ayudando a la produksion de diskos, a la publikasion de arreglos para gitara o otros instrumentos, a los koros ke se dedikan a la interpretasion de kantes en ladino etc.
 
 
La ANL apoya tambien al Festiladino, festival internasional de kantes kontemporaneos en ladino ke tiene lugar kada anyo. El buto de este festival es de renovar la kreasion muzikala en ladino, dando una tribuna a los poetas, kompozitires de muzika i kantadores ke estas prontos a azer un esforso i krear kantigas muevas.  En los 5 Festiladinos ke tuvieron lugar desdel anyo 2003 partisiparon poetas, kompozitores i kantadores de Israel, Italia, Estados Unidos, Gresia, Meksiko, Canada, Turkia, Argentina i mas.
El Festiladino es filmado por el Primer Kanal de la Televizion Israeli, i goza de una grande popularidad, kada vez ke es inkluido en uno de sus programas.  
 
Vini Kantaremos
La ANL enkoraja i apoya finansiariamente a los enkontros folklorikos “Vini Kantaremos” , organizados por el Konsejo de las Komunidades Sefaradis i Orientales de Yerushalayim, i en los kualos partisipan kantadores i kontadores de kuentos en ladino. 

+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora