ladino  

 
Judeo espanyol
Contador:

Inicio >> Kantadores en Ladino >> V-Z >> Vanessa Paloma
 

Vanessa Paloma
(Colombia - Maroko)

Vanessa Paloma nasió en Colombia i empesó sus estudio muzikales en djoven edad en el Koro de Kriaturas  "San Juan" en Puerto Rico. Después kontinuó sus estudios muzikales en la Andes University en Bogotá, Colombia. Eya se perfeksionó en la Universidad de Indiana, ande resivió un máster en múzika en performansia de múzika antika, spesializándose en múzika medieval espanyola. Eya es aktiva komo solista, eskritora i relatora. Resivió el títlo de "Fulbright Senior Research Fellow" por el 2007-2008 en Maroko. Vanessa estudió mistisizmo djudió en la Sivdad Vieja de Yerushaláyim i está kontinuando sus estudios kon el Rabino Yitzhak Ginsburg.  Eya enkavesa un grupo bazado en Casablanca, ke interpreta múzika djudeo-marokana kon sus ritmos i sus sonoridades tradisionales. Además  fondó i es ko-direktora kon Jordan Chamovsky del grupo "Flor de Serena", un ansamble djudeo-espanyol  bazado en Los Angeles. Eya se spesializó en múzika djudía i en el rolo de la múzika djudía en la sosiedad. A parte de ser una kantandera profesional kumplida, Paloma es una difuzora de kantes i una edukadora djudía, i se puede dizir ke djiró el mundo kon sus performansias, de Santa Fé a Minneapolis i a  Long Beach. Resientemente  aparesió en un espektaklo a solo atraverso la California, entitolado "Sephardic Song of the Sea"  ke kombina kantes en ladino i ensenyamiento kabalístiko. Izo una turné en Maroko en un programa yamado "3 mujeres, 3 bozes, 3 relijiones".  Vanessa aparese en munchas estasiones de radio i televizión de Los Estados Unidos, al México i a la Colombia i eskrive en varios magazines. Publikó un livro de orasiones para mujeres i su primer livro, yamado "Mystic Siren", i da lisiones de mistisizmo ebreo, de kultura sefaradía i de la ekspresión relijioza de las mujeres. En el 2007 eya fue invitada a Belmonte para kantar, ensenyar i azer investigasiones sovre las Komunitáa crypto-djudías en Porto, Lizbón i Belmonte mizma.  Eya es una artista afiliada del Sentro por Kultura i la Kreatividad Ebrea, es alumna de su Programa de Rezidensia en Israel, es  direktora artístika del Sentro de ansamble de kámera "Synergy" i ko-direktora, komo ya dishimos, de su ansamble de ladino "Flor de Serena". Eya disho: "Mozotros  bushkamos personas ke están prontas a abrasar el ideal de una kultura djudía nasional i dezean azer subordinar sus ego i sus ganansia personal al ego i al erekisimiento de muestro puevlo".  Agora Vanessa mora en Maroko, ande puede envestigar en su pasado.

Matilda Koén-Sarano                                                                                    

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע