ladino  

 
Judeo espanyol
Contador:

Inicio >> Kuentos i konsejas >> Vijita a la timaraná
 

Vijita a la timaraná

Un tiempo avía uno d’eyos ke se yamava Shemuel, tinía un ijo loko, ke stava en la timaraná i estava en otra sivdad.
Un día el vizino, ke se yamava Djako, se tinía de irse a esta sivdad. Diremos Ako.
Le stá diziendo él : “Mosiú Djako, ázeme un plazer, mi ijo sta en la timaraná. Va, mira ver komo sta”.
“Bueno,” disho el vizino, “Ya v’a star ayá. V’a ir a ver komo sta tu ijo”.
El ombre arivó a Ako, disho: “Mosiú Shemuel me demandó ke vayga, ke lo veyga al ijo…”.
I va, lo sta viendo al ijo: “O, Mosiú Djako, vinites? Osh geldin! Ke haber? Komo stas? Komo stas? Mosiú Djako, dile a mi padre ke ya me izi bueno. Ke me kite de akí!”
“Bueno, pasha…” le dize  Djako, i ya se sta índose… sta abashando de las skaleras.
“Mosiú Djako, Mosiú Djako,” le dize el ijo, “así bivas tú, ven un punto, te diré una koza! Azeme un plazer, dile a mi padre ke ya me ize bueno, ke me kite de akí. Kero repozar!”
“Bueno, pasha!”, el ombre abashó otro etaj.
“Mosiú Djako! Mosiú Djako! Tengo de dizirle una koza…”
“Bueno, pasha…”
“Dile a mi padre ke me kite de akí!”
Le dize el ombre: “Pashá, yo le vo dizir a tu padre ke te kite a ti i ke me meta a mí!”

Kontado por AHARON CHIKUREL – 2001
Notado i redaktado por Matilda Koén-Sarano

 


 

 

 

 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora