ladino  

 
Judeo espanyol
Contador:

Inicio >> Kantadores en Ladino >> V-Z >> Yasmin Levy
 

Yasmin Levy
(Yerushaláyim 1975)

De Awards for World Music 2007 i Wikipedia- Internet

Yasmin Levy nasio en Yerushalayim en el kartie de Bakaa en el 1975.  Es ija del kantante bariton i envestigador Isaac Levy, ke arrekojo i kompilo 4 volumes de kantes i romansas en ladino, i 10 volumes de kantes liturjikos i paraliturjikos  de la tradision djudeo-espanyola. Isaac Levy murio kuando Yasmin era deynda kriatura, i Yasmin resivio los kantes en ladino de su madre Kohava Levy,  eya mizma kantante en ladino. En prinsipio Yasmin enpeso a kantar en publiko endjuntos a su madre, deskuvriendo una boz eksepsional. En el 2002 salio su primer CD "Romansa i Yasmin”, segido por el CD "La juderia" en el 2005.  La muzika de Yasmin meskla el ladino al flamenko,  kreando un estil djudeo-espanyol muevo, porke eya esta konvensida ke la muzika de los djudios de Andaluzia, de los Moros i de los Djipsis kreo tantos anyos antes el flamenko ke konosemos. Eya veye en esto una rekonsiliasion muzikal istorika. Esto izoa Yasmin una de las bozes-gia en las shenas de la muzika mondial aktual. Ademas eya dio una enterpretasion muzikal mueva a la muzika djudeo-espanyola,  en kuanto no kanta kon akompanyamiento de gitarra, ma uza el ut persinao, el violino, el chello, el piano i los enstrumentos a bateria. En el 2007 salio su treser CD "Mano Suave". Yasmin ya es konosida i muy apresiada en munchas partes del mundo. Paso dos anyos en Estados Unidos, kanto en el Carnegie Hall, i gano el premio de kompozision orijinal en la kategoria de muzika del mundo kon su kantiga "Me voy". Aktualmente torno a Israel por dos grandes konchertos.  En su ultimo CD kanto en dueto kon la kantante Natasha Atlas, i en segito a esto el jurnal "Guardian" eskrivio ke es "la buena kantante del Oriente Medio".

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora