ladino  

 
Judeo espanyol
Contador:

Inicio >> Kantadores en Ladino >> V-Z >> Yehoram Gaón
 

Yehoram Gaón
(Yerushaláyim 1939)
De Wikipedia - Internet

Yeoram Gaón nasió en el 1939 en Yerushaláyim en el kartié de Bet-Akérem. Es el último ijo de Moshé David i Sara Gaón. Su padre nasió en Bosnia en el 1889, izo su aliyá a Erets Israel i era maestro de ebreo. Fue mandado a ambezar el ebreo en la komunitá de Izmir, ayá konosió a su futura mujer Sara Hakim, i después ke se kazaron vinieron a Yerushaláyim, ande fondaron sus famiya. Yehoram Gaón izo su servisio militar en la "Laakat Anáhal", komo moderador kómiko, ma no komo kantador. Despues del servisió empesó a lavorar kon Naomi Polani, en el grupo de los "Tarnegolim", ma sin distingirse. En el mizmo tiempo empesó a lavorar komo aktor  en el teatro Hakámeri, ma su dezeo de ser kantador superó todas su aspirasiones, i en los anyos `60 él fondó kon Arik Einstein i Beni Amdorsky la  "Shlishiat Gesher Ayarkón" ke trusho al kanto ebreo grandes kantigas, komo "Otah", "Eyze Yom Yafé", "Serenada lah", i mas. Un anyo después el partió para Londra, para estudiar resitasión i rejía. Kuando Yoel Zilber, ke se aprontó a meter en shena "Kazablán" se akodró de él, lo yamó a una audisión.  "Kazablán" izo de Gaón uno de los kantadores mas emportantes en Israel. En el Festival del `69 ganó los dos primeros premios. Kantó i kanta kantigas de Naomi Shemer, de Haim Hefer i de Dov Zeltzer, i kitó munchos albomes, i entre eyos el primer albom de romansas i kantigas en ladino i un albom de kantes de shabat. El es konsiderado el kantante ke interkaló la múzika del oksidente e i la de oriente, komo en la kantiga "Roza" , ande el pop se meskla kon la múzika oriental. Yehoram se kazó kon una ija ke no tenía deynda 17 anyos, i era mas djoven de él de 20 anyos. Después de algunos anyos los dos divorsiaron. Tienen un ijo i una ija. Yehoran Gaón djugo en numerozos filmos, algunos de los kualos tuvieron sukseso, komo "Mivtzá Yonatán", ke fue mizmo kandidato al Oskar.  Otros filmos de sukseso son "Kol mamzer méleh" (1968), "Kazablán" (1973), asta "Medurat  Ashevet" (2004).  Su karriera televiziva es muy rika, de "Krovim krovim" (anyos `80) a "Mar Mani" (1999), de su programa "Shishi Begaón" (2003-05) a "Erev Tov Israel" (2005).  El prezenta kada viernes un programa personal en la sigunda red, yamado "Gaón Baradio", ande avla de lo ke akontesió durante la semana. El tuvo el portafolio de la kultura en la munisipalidad de Yerushláyim. Fue deskojido a kantar en el 1994, en la seremonía en el kuala Itzhak Rabin, Shimon Peres i Yasser Arafat resivieron el premio Nobel. En el 2004 Yehoram Gaón resivió el Premio de Israel komo kantante nasional del kanto ebreo, endjuntos a Gil Aldema. El es prezidente de la Asosiasión Arkadásh, la komunitá de los Imigrados de Turkía en Israel, aze parte del Konsilyo de la Autoridad Nasionala del Ladino i su kultura en Israel, i es konsul onorario del Chile en Israel. Tres sujetos están a la baza de su personalidad artístika i privada, se puede dizir a la baza de su existensia: la kultura del ladino, ke él trae de la kaza paterna, i  aze de todo para konservar i difundir;   su amor por Yerushaláyim kon sus mil aspektos; i Israel, su patria, ke inche sus kantes kon su ermozura i su aspirasión a la paz.

Matilda Koén-Sarano

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע