ladino  

 
Judeo espanyol
Contador:

Inicio >> POEZIAS >> espanya por siempre
 

ESPANYA POR SIEMPRE

Espanya, tierra de mis abuelos,
Espanya, tierra de mis dolores,
Espanya, tierra de mis amores,
Te tengo siempre en el korasón.

Tus flamas ardientes
Dime komo olvidar,
Tus streyas briyantes
Ke no pudi apuntar.
Tus lindas sivdades
Ke por siempre vo sonyar,
Tus dulses kansiones
Ke no kedo de kantar.

Tu sol i tu luna
Ke por siempre vo pedrer.
Est’amor dinguna
Tierra no va konoser.
Tu hen i tu vena
En mí yo las vo yevar
En tierra ajena,
Onde yo vo apozar.

Tu lingua armonioza
Kon mí yo la vo tomar
I komo un’espoza
Siempre me v’akompanyar.
Tus lindas sivdades
Ke por siempre vo sonyar,
Tus dulses kansiones
Ke no kedo de kantar.

Espanya, tierra de mis abuelos,
Espanya, tierra de mis dolores,
Espanya, tierra de mis amores,
Te tengo siempre en el korasón.
                                                           
Matilda Koén-Sarano, Yerushaláyim, 12.1.1993
(del livro de Matilda Koén-Sarano, Ritmo Antiko, Poezías i kantigas Yerushaláyim 2005)     
 

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora