ladino  

 
Judeo espanyol
Contador:

Inicio >> POEZIAS >> kantaremos a yerush
 

KANTAREMOS A YERUSHALAYIM

Todo el mundo yo djirí,
Mil lugares vijití,
Ma komo Yerushaláyim
En mi vida no topí.

Kon tu sielo siempre blu,
Komo sólo tienes tú,
Kon tus piedras senteantes
Tú pareses un bijú.

Kantaremos, kantaremos a Yerushalayim (4)

Al merkado a zmersar,
Ir al Kotel a bezar,
Kaminar por la Tayelet,
De tu vista me gozar.

En tu sentro pasear,
Los amigos enkontrar,
Asentarme por la kaye
A sintir kantes kantar.

Kantaremos ...

Ir a Meá Shearim,
Ver a los Ashkenazim,
I oyir kantar ladino
En kada moshav zkenim.

En tu shara me entrar
Por tu ayre respirar,
I debasho de tus pinos
Estirarme a repozar.

Kantaremos ...

A mi kaza retornar
A la noche antes d’echar
I goler serka de Andjel
Pan ke vienen d’enfornar.

Yerushaláyim, tú por mí
Sos pasado i avenir.
Akí sto, Yerushaláyim,
Por bivir i por murir.

Kantaremos...

Matilda Koén-Sarano, Yerushaláyim, 5.5.1994
(del livro de Matilda Koén-Sarano, Ritmo Antiko, Poezías i kantigas Yerushaláyim 2005)
 

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora