ladino  

 
Judeo espanyol
Contador:

Inicio >> POEZIAS >> ven shabat
 

Ven, Shabat

Ven shabat, rey de mi kaza,
Todo azme ulvidar:
Mis afanes i mis dertes,
En tu luz de santedad.

Ven shabat, rey de mi kaza,
Ven shabat (2).
Ven shabat, rey de mi kaza,
Ven shabat.

Emburújam’ en tu manto
De silensio i de kalor,
Yevamé a altas sferas
Ke no saven la dolor.

Ven shabat, rey de mi kaza,
Ven shabat (2).
Ven shabat, rey de mi kaza,
Ven shabat.

Sulevanta tú mi alma
A tu reyno ke es sin par. 
Da repozo i dame fuersa
De la vida kontinuar.

Ven shabat, rey de mi kaza,
Todo ázeme ulvidar:
Mis afanes i mis dertes,
En tu luz de santedad.

Matilda Koén-Sarano, Yerushaláyim, 11.7.2001
(del livro de Matilda Koén-Sarano, Ritmo Antiko, Poezías i kantigas Yerushaláyim 2005)
 

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע