ladino  

 
Judeo espanyol
Contador:

Inicio >> Butika >> I te burlaras kon tu ijo en akel dia / Eliezer Papo
 
Producto / Nombre del artículo:I te burlaras kon tu ijo en akel dia / Eliezer Papo
Precio de lista:₪220.00
Nuestro precio:₪149.00
Impuestos:Incluyendo impuestos
Gastos de envío:₪15.00
(Elíjala usted sin cargo adicional)
Plazo de Garantía:0

Añadir al carrito 


Más información
Eliezer Papo, I te burlaras kon tu ijo en akel dia: Parodias djudeo-espanyolas sovre la Agada paskuala, Instituto Ben-Zvi, 2012
Parodias djudeo-espanyolas sove la Agada paskuala reprezentan un jenero independente de literatura sefaradi; el kual non solo ke, asta la salida del livro del Dr. Papo, fue totalmente neglejado – sino ke tanpoko fue rekunesido komo un jenero independente. Konzekuentamente, esta investigasion reprezenta un intento pionero de dokumentar, deskrivir i egzaminar al korpus de parodias sovre la traduksion tradisionala de la Agada paskuala al Ladino, analizandolo en su konteksto sosio-kultural i tratando de entender porke djustamente este ipoteksto, mas ke kualseker otro teksto, sagrado o sekular, sirvio de temel preferado de kreasion parodika en la kultura sefaradi.
Jeneralmente favlando, estas parodias trataron la aktualia, spesialmente las konfrontasiones ke asenyalaron al periodo. Por esto, no es de maravia ke el autor ofrese una subkategorizasion del korpus, dividiendolo en dos subjeneros: Agadot de gera, ke tratan konfrontasiones internasionales, kontando la istoria de alguna komunidad sefaradi en el kuadro de un konflikto internasional – i Agadot polemikas, ke tratan de konfliktos internos, al seno de la komunidad djudia. Komo el mundo sefaradi tiene visto muchisimas geras, eksternas i internas, los dos subjeneros kontienen unas dezenas de parodias ke tratan la Primera i la Segunda Gera Balkanika, la Gera Turko-Grega, la Primera i la Segunda Gera Mundiala i La Gera de Independensia Israeli; o la polemika Sionista/Antisionista dientro la komunidad djudia, al konflikto entre los jeneros (ombres kontra las mujeres) o al konflikto de la elita intelektuala kon los muevos rikos.
Esta divizion interna del korpus sirvio tambien de model para la konstruksion de la investigasion, el primer tomo de la kuala kontiene dos shearim: uno dedikado a las Agadot de gera i el otro a las Agadot polemikas. El segundo tomo esta dedikado enteramente a una edision sientifika de los mueve tekstos del korpus sentral, ke fueron analizados en profundo en el primer tomo.
 
De las retsenzias
Este livro konvida al meldador a un viaje kativador, original, erudita, profondo i komiko, detras kuarenta parodias djudeo-espanyolas sove la Agada paskuala – dezde Viena, por medio de Saray, Sofia, Estambol, Izmir, Kurasao i asta Yerushalayim; dezde el siglo XIX asta muestros dias; dezde el teksto eskrito asta el stendap; dezde fazer kepaze kon mujeres, hahamim, muadjires, Sionistas i Antisionistas – asta la ridikulizasion de enemigos eksternos del grupo, komo los Natsis almanes, los Ustashas kroateskos o los nasionalistas Arabes. Por medio de una analiza interdistsiplinaria (literatura, folklor, istoria i linguistika) el autor demonstra la sentralidad del umor komo mehanizmo kultural en la konstruksion de la identidad kolektiva i memoria kondjunta de minorias. De todo lo dicho, define Dr. Papo un jenero literario muevo: Parodias djudeo-espanyolas sove la Agada paskuala, el kual se sparte en dos subjeneros definidos: Agadot de gera i Agadot polemikas. Se trata del primer livro de investigasion del Dr. Papo, el kual ya lo koloka komo investigador sentral en la mapa de la investigasion de la literatura sefaradi.
Prof. Tamar Alexander
Shefa del Departamento de Literatura Ebrea i Direktora del Sentro Gaon, UBG           
 
     
En este livro Dr. Papo analiza parodias djudeo-espanyolas sovre la Agada paskuala por medio de un instrumentario literario pedante, de una manera apasionante i muchas vezes tambien komika, tratando de stratos diferentes de estas ovras i sus konteksto istoriko. El rezultado es un tratamiento analitiko pionero i ekstraordinario de este jenero umoristiko de literatura sefaradi, en su entorno istoriko i sosial, el kual moz avre, por la prima vez, una ventana a la autopersepsion de los Sefaradim osmanslis i post-osmanlis i sus persepsion de sus vizinos, en esta epoka kritika del tranzito de komunidades tradisionales a modernas i oksidentalizadas.
Prof. David M. Bunis
Departamento de Lengua Ebrea i Lenguas Djudias
Universidad Ebrea de Yerushalayim
 
 
En frente de mozotros se topa una investigasion ekstraordinaria, tanto en su volumen, komo en su natura i su orijinalidad. Una investigasion bazada en el pensamiento profondo i la erudision impresionante i pedante, ke trata de una bransha ke asta alora non obtuvo ninguna atension, propozando definision de un muevo jenero. El autor alkansa de regrutar metodas de distsiplinas diferentes para argumentar sus tezas sentrales, demonstrando su dominio de kada una de estas distsiplinas, ayudandose de literatura profesionala en lenguas diferentes, munchas vezes bien aleshadas. El livro kontribuye a la profundizasion de maestro kunesimiento del umor djudio en jeneral i la parodia en partikular. La edision kritika de agadot djudeo-espanyolas parodikas en sus lengua orijinala, akompanyadas de traduksion ebrea i de aparato kritiko es una kontribusion importantisima a la libreria djudia.
Prof. Yaakov Bentolila
Departamento de Lengua Ebrea
 
Anyo de imprenta: 2012
Numero de pajinas: 927
Dos volumenes 
 

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora