ladino  

 
Judeo espanyol
Contador:

Inicio >> ARTIKOLOS >> Matilda Koen Sarano >> Programas de radio >> djudios kombatientes
 
 

Djudios kombatientes
del livro La Brigata Ebraica de Romano Rossi, Faenza 2005

En la Sigunda Gerra Mondial partisiparon kaje 1,500,000 djudios de a lo manko 53 nasiones, ke kombatieron en las armadas ingles, amerikana i sovietika. En una povlasion de 450,000 djudios de Palestina en el 1940, a lo manko 50,000 fueron volontarios, entre los kualos 400 ofisieres i 200 ofisieras, 200 medikos, 2,000 aviatores i 4,000 auxiliarias. En el enverano del 1944 los djudios obtuvieron de los inglezes de formar una unitad organika i autonoma kon propias insenyas: 4,000 volontarios en 5 batayones de infanteria, artilyeria, djenio, sanitad i lojistika.
En los primos de noviembre del 1944 el muevo korpus militar arivo a Italia, i a la fin de fevrero yego al fronte.
Del prinsipio de marso la Brigada Djudia kumplio una intensa aktividad de patrulyamiento en la area entre Alfonsine i Mezzano de Ravenna. El 21 de marso la Brigada tuvo el kambio i se dispozo sovre el rio Serio entre el Sigundo Korpus polonezo i el Grupo italiano de Kombatimeinto Friuli. En el dia de la ofensiva aliada una unidad de la Brigada traverso el rio i okupo el krinal del monte Ghebbio, ke estava yeno de postos almanes fortifikados. La unidad kontinuo asta Imola, i el djenio de la Brigada alimpio los kaminos minados i konstruyo algunos pontes, para poder traversar los rios, entre los kualos uno sovre el rio Po.

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora