ladino  

 
Judeo espanyol
Contador:

Inicio >> ARTIKOLOS >> Matilda Koen Sarano >> Programas de radio >> dona grasia
 
 

Personalidades de Israel
Dona Grasia Nasí


DONA GRASIA NASI  nasió en el 1510 kon el nombre de Beatrís de Luna en Portugal, ande su famiya se refujió después de la ekspulsión de Espanya. La famiya de Beatrís apartenía a la primera jenerasión de los  neo- konversos por fuersa, ke vinían yamados marranos. Beatrís fue edukada sekretamente al djudaízmo. A 18 anyos se kazó kon Fransisko Mendes, ke se okupava de importasión de espesias en skala enternasional. En el 1536 su marido se murió i eya fue forsada a salir de Portugal, ande fue enstituída la Enkizisión.
Eya se transferó, antes a Anversa ande estava el ermano de su marido, ke se murió i él en el 1543, i después en el 1544 a Venezia, ande  su ermana Brianda la malshinó de djudeizasión a la Enkizisión. Ma eya reushó a liberarse, kon el ayudo del suvrino Joao Miguez, ke después se yamará Yosef Nasí, i ke  el Sultán Suleymán el Manyífiko ará duke de Naxos.
En el 1551 eya se transferó a Ferrara, ande tornó a su verdadera identidad. Akí Ercole II D`Este le dio un salvakondukto ke le permetió de bivir  kon su famiya sigún “la ley de los djudiós".
Dona Grasia bivió akí un periodo produktivo, izo publikar una Biblia en lengua Espanola en dos edisiones, para djudiós i para kristianos (1553) . En el 1955 el Papa Paulus IV publikó su Bolla kontra los djudiós, ma Dona Grasia ya estava del 1553 kon su famiya en Costantinopla, ande bivió kon luso i rikeza, protejada por el Sultán. Eya no se ulvidó de sus korelijionarios, i kuando fueron kemados en Ancona 24 marranos,  organizó el boykot del porto de la sivdá por ocho mezes. En el 1558 se akordó kon el sultán de merkar la sivdad de Tevariá en Eretz Israel por 1000 dukados, para fondar un estado djudió. Se empesaron a azer lavoros de renovamiento en Tevariá, ma el konflikto entre Constantinopla i la Italia metió fin a la tranzaksión. Eya konstruyó en Konstantinopla i en Selanik grandes eskolas talmúdikas i rabínikas. En Costantinopla fue fondada una sinagoga, yamada “La Senyora”, en su memoria. Dona Grasia murió en el 1568. 

 

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora