ladino  

 
Judeo espanyol
Contador:

Inicio >> ARTIKOLOS >> Matilda Koen Sarano >> Programas de radio >> l presio de la gerra de endipendesia
 
 

"El presio de la Gerra de Endipendesia"
Del Archivo de Tsáal i del Sistema de la Defensa
Ministerio de la Defensa

"No tengo la fuersa, i no sé si ay persona ke la tiene, de ekspresar toda la dolor ke konsentí por akeya terrible responsabilitá enverso la la madre djudía." (de las palavras de David Ben-Gurion en  el Kongreso del Personal del Komando Jeneral del 2.7.1963)

La Gerra de Endipendensia kovró un pezgado presio de sangre de la puevlasión ebrea en la Tierra de Israel.
4,795 kombatientes kayeron entre el 29.11.1947  i  el 20.7.1949, i a eyos se adjustaron munchos siviles, ke fueron matados durante el anyo i medio de kombatimientos. El kombatimiento sovre Yerushaláyim i el kamino verso de eya fue de los mas difisiles i kovró munchas víktimas.
Shaar Agay (Bab El Uad), por ande pasavan los konvolyos de abastesimiento para Yerushaláyim asiejada fue uzado komo  lugar de eskondijo i de atako por los kazalinos árabos del derredor a los veíkolos ke pasavan. Munchos de eyos fueron tokados, i sus akompanyadores fueron matados.
En los asaltos i los  atakos de muestras fuersas al kaminos i a los kazalinos de la rejión, kayeron munchos kombatientes.
En onor i en memoria de los kayidos en la Gerra de Endipendensia fue plantado el boske en Shaar Agay.
En la seremonía de plantasión del boske el 16.1.1949, disho David Ben-Gurion entre otras a los padres i las madres de los kayidos:
Vozotros, djenitores de los eroes... madres i padres keridos – vozotros tuvitesh el mérito ke no tuvieron miles de madres i padres durante las jenerasiones, los ijos de los kualos fueron asasinados i murieron sin dinguna razón durante muestra diaspora.
Vuestros ijos keridos kayeron para ke el puevlo djudió  konsiga su endipendensia en su patria liberada...".

 
 

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע