ladino  

 
Judeo espanyol
Contador:

Inicio >> ARTIKOLOS >> Matilda Koen Sarano >> Programas de radio >> los pionieros rekrearon la fiesta de tu
 
 

Los pionieros rekrearon la Fiesta de Tu-Bishvat

Mario Eduardo Cohen – Clarín - Buenos Aires – 2008



 

Los festejamientos de Tu-Bishvat varian asigún de los diversos grupos étnikos. Los Kabalistas uzavan meldar el Zohar durante una seremonía ande komían diversas frutas; no menos de 15 djéneros, komo por exemplo azetunas, datilés, uva, igos, pertukales, mansanas, bananas, muezes, peras i mas. Posiblemente las frutas devían ser las primeras de la sezón. Este uzo pasó a los djudiós ashkenazís. Se sierven también tortas i pastas ke kontienen frutas i vejetales, i la selebrasión viene akompanyada kon kantes adaptos. Los sefaradís de Yerushaláyim uzavan reunirsen para dizir orasiones dedikadas a la vida agríkola. Es uzo entre los sefaradís de meldar kapítolos dedikados al Arvol de la Vida en la Kabalá.



Kon el retorno del puevlo de Israel a su tierra, la fiesta de Tu-Bishvat tornó a tener la sinyifikasión de un día de plantasión de árvoles. Dezde mas de 100 anyos el Keren Kayemet LeIsrael aze una ovra pionierístika de plantasión de árvoles i de kura de la natura en Eretz Israel. El retorno al paíz fue akompanyado por una ovra de reforestasión kon alkanses ekstraordinarios. En Israel en este día tienen lugar plantasiones kolektivas i seremonías agríkolas. Una verdadera fiesta de la djuventud i del eterno renaser de la natura kreada por el Dio.

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora