ladino  

 
Judeo espanyol
Contador:

Inicio >> ARTIKOLOS >> Sara Sufrin >> Neve Tzedek
 

Neve Tzedek – El primer kartier de la sivdad Tel-Aviv en Israel

El paradiso de mi chikes


  Neve Tzedek, el primer kartier Djudio fuera de las morayas de la vieja Jaffa, nasiyo entre las dyunas serka de la Mar Mediterraneo, en 1887.
Aharon Shlush djoyero i merkader onorable ,líder de la comunidad Sefaradí en Jaffa

se desidyo a pasar de su sivdad ,merko tierras fuera de las morayas de Jaffa i fraguo su mueva kaza.

El dezo de Shlush fue a konverser a los Djudios a deshar la vieja sivdad Jaffa i a morar en un lugar deskonosido entre las dyunas i la mar.

Djuntos kon el ayudo de Shimon Rokaah, ke era aktivista publika de la komunidad Djudia en Erets Israel, merkaron tierras de los abitantes arabos I empesaron a planear el kartier muevo .

Para konvenser a los muevos residentes, les oferaron kazas kon komfortables komo: guertas, banyos i kuzinas – una mejorada importante en la kalidad de vida – a komparasion a los apartamentos proves en los estrechos kalejones de la vieja Jaffa.

Kon el tiempo paralelamente, komensaron apareser muevos vezindarios – komo los kartieres Neve Shalom, Maahne Yosef i mas…

Durante la segunda Aliyah, dos de las primeras eskolas de la sivdad se establisaron en Neve Tzedek – el Alliance I la eskola de ninyas Yehieli (mi eskola primaria). Tras sus fundasion, el kartier se transformo en un sentro kultural riko donde la lengua Hebrea, la edukasion i la kultura sionista se desveloparon.

Al prinsipio del siglo 20 se florisio el lugar i fue un sentro kultural de muchos eskritores i intelektuales, entre eyos - el rabino Avraam Itask Kook , el novelista Shay Agnon, ke mas tarde gano el Premio Nobel de Literatura ,el profesor S. Ben Zion, la autora Devorah Baron, el editor Yossef Aharonowitz, el eskritor Yosef Haim Brenner,el poeta David Shimoni i el artista Nahum Gutman.

 

Fue en Neve Tzedek donde se fundaron i se publikaron las revistas literaturas.

Es en este barrio ke fue konstruido sinema "Eden" el primer sinema en Eretz Israel.

 

Kon el tiempo i mientras la transformasion de Tel Aviv en sentro espiritual i kultural, kavzo la deserssion de Neve Tzedek ke se transformo en un kartier basho.
 

A fin de los ´80, se konstruyo en Neve Tzedek, el Sentro de dansa i teatro Suzanne Dellal , trayendo la atension de los visitantes i injektando sangre mueva por medio de sus muevos residentes. Por esto, el kartier ke estava al borde la falitar se rebivyo i se renovo, restaurando sus antiguas djoyas.

Oy dia, es un distrikto muy popular , yeno de vida ,de butikas femininos de moda, galerias de arte, cafes, restaurantes i bares.

Un paseo por el Neve Tzedek es rekomendado para los romantikanos amantes de la istoria i los afeksionados a los pekenios kallejones.

Sara Sufrin

                                                                                                                                                                            
 


+ Añadir nuevo comentario
Traducciones enviadas por usted
Loading Cargando ...
+ Enviar Comentarios
+ Enviar contenidos sugeridos

לאדינו         Ladino


Artikolos de Matilda Koen Serano
      
Artikolos de Yehuda Hatsvi
    
Artikolos de Gad Nassi
  
Artikolos de Eliezer Papo
   
Sefaradi Taor

ladino
Fecha y hora
 

La Asosiasion Arkadash | Ladino | לאדינו | judeo espanyol |

אתר זה הוקם ע"י זום ייעוץ ומערכות מידע